Barangay Hall ng Barangay Calumpang sa Binangonan, Rizal
Hazard Identification
Maraming kalamidad na ang
tumama at naranasan ng aming barangay, ang Barangay Calumpang sa Binangonan,
Rizal. Ilan sa mga ito ay ang flash flood,
bagyo, hanging habagat, at lindol. Mas lumalala pa ang naidudulot ng mga
ito partikular na ang bagyo dahil sa pagkakaroon ng maraming basura sa paligid.
Bago pa man ay nalalaman na ng aming barangay kung may paparating na bantang
sakuna sa pamamagitan ng pakikipag-ugnayan nito sa Municipal Information Office
at pagtutok sa mga balita. Kalimitan, ang mga kalamidad ay dumarating sa aming
barangay nang hindi nalalaman o inaasahan subalit makakabuti at makakabawas sa
pinsala ang maagang paghahanda.
Ako kasama ang isang Barangay Official ng Barangay Calumpang
Vulnerability, Elements
and People at Risk Management
Ang mga pinakadelikadong
lugar na maaaring higit na mapinsala sa aming barangay ay ang mga malalapit sa
dalampasigan dahil maaari silang mapinsala ng flash flood, tsunami at
iba pang pandagat na sakuna. Maging ang mga malalapit sa tabi ng kabundukan ay
maaaring maapektuhan ng landslide. Ang
mga middle class at low class family naman ang maaaring maapektuhan ng kalamidad gaya ng bagyo at
sunog dahil sa uri at yari ng kanilang kabahayan. Maaaring ang maging epekto
pag tumama ang sakuna sa tao ay ang pagbagsak ng ekonomiya o tinatawag na inflation rate. Maaaring ang agrikultura
at imprastraktura ay mapinsala pagtumama ang sakuna. Mayroong inilalaan ang aming
barangay na evacuation center kung
sakaling tumama ang sakuna o kalamidad. Ito ang pinakaligtas na lugar na
maaaring puntahan ng mga maaapektuhan. Ang isang tukoy na lugar na mapipinsala
kung sakaling tumama ang kalamidad o panganib ay sa sinasabing fault line dahil
ito ang mga lugar na mahina ang pundasyon at malapit sa panganib, kaya’t ang
pamahalaan ay nagbibigay babala sa mga lugar malapit dito. Ang mabagal na aksyon
ng pamahalaan ang isa sa mga dahilan na pumipigil upang makabangon sa pagkasalanta
sa kalamidad, o maaaring sa hirap na maabot ang lugar na nasalanta at hindi
agarang matugunan ang pangangailangan sa lugar na naapektuhan ng sakuna o yung
tinatawag na accessibility.
Kuha mula sa aking Community Walk. Ito ay isang lugar na delikado dahil binabaha tuwing may bagyo.
Capacity and Disaster
Management Assessment
Bilang paghahanda, ang aming
barangay ay nagsasagawa ng mga drill at
nagtuturo sa mamamayan kung ano ang nararapat gawin kung may kalamidad o
sakuna, nagbibigay babala at nagbibigay ng information
campaign kung sakaling dumating ang mga kalamidad. Mayroong ring plano ang aming
barangay pagdating sa mga sakuna at kalamidad at ang programa nito ay
napakaloob sa proyekto ng pamahalaang bayan. Ito rin ay naghahanda sa mga
kalamidad tulad ng pagbili ng mga kagamitan sa kalamidad at mga gamit na
maaaring makatulong sa mga mamamayan tulad ng generator, first aid
equipment, mga hygiene kit, flashlight, whistle at mga personal na gamit ng mga mamamayan. Ang Barangay Risk Reduction Management Committee
ang mga taong namamahala sa pagharap at pagtugon sa kalamidad sa
pakikipagtulungan ng kapitan ng barangay at mga barangay council.
Isa pang kuha mula sa aking Community Walk. Ito ay isang ligtas na lugar dahil hindi ito binabaha tuwing may bagyo.
Ang isyu na hinaharap ng
aming barangay ay ang patuloy na pagbaha sa tuwing may bagyo. Ito ay dahil ang
aming barangay ay malapit sa laguna lake. Ang posibleng gawin ng gobyerno ay
paalisin ang mga nakatira sa mabababang lugar at palipatin sa mas ligtas at
mataas na lugar. Ang pagiging handa para sa mga kalamidad ay dapat magsimula
muna sa bawat pamilya sunod sa bawat barangay, bayan at isang buong bansa. Sa
tingin ko, ang aming barangay ay handa sa anumang sakunang darating bagamat
mayroon pang mga kulang na kagamitan. Sana maging ang ibang barangay ay kasing
handa ng amin ng sa gayon ay buong bansa tayong maging handa. Mahalaga na
tugunan at bigyan natin ng pansin ang mga isyung ito upang malaman ng gobyerno kung
ano pa ang ating kailangan at maibigay nila ito. Bilang isang miyembro ng
komunidad, maaari akong makatulong sa iba sa pamamagitan ng paghahanda sa
anumang sakuna na maaaring dumating.Maaari kong ibahagi ang aking mga kaalaman
at dapat gawin sakaling may kalamidad.
No comments:
Post a Comment